Íslandshraðlestin

Þetta er mín tillaga að íslensku nafni á Iceland Express. Flaug með þeim síðdegis beint til Berlínar og leið eins og í hraðlest allan tímann. Var hæfilega seinn fyrir og því gekk ég beint að innritunarborðinu og þurfti ekkert að bíða. Nóg var skilvirknin í endurnýjarði flugstöð og búið að opna meiripartinn af henni núna. Ferðalagið til Berlínar gekk hratt og fumlaust fyrir sig og nákvæmlega á áætlun.  Það er eiginlega lúxus sem maður er orðinn óvanur að geta flogið beint á endanlegan áfangastað.

Alveg eins og hið gamla þjóðarstolt okkar Flugleiðir er tvítyngt og heitir bæði Flugleiðir og Icelandair, þá finnst mér að Iceland Express eigi að eiga líka íslenskt nafn - og það gæti vel verið Íslandshraðlestin. Það sem ég þekki til þeirra, þá standa þeir undir nafni. Ef ekki, þá blogga ég aftur um þá í lok mánaðrins, því ég þarf að fara þrjá skottúra núna í maí með Íslandshraðlestinni og borga jafn mikið fyrir þá alla eins og einn miða á Saga Class með Flugleiðum.

... svo segi ég eins og Kató gamli; að lokum finnst mér að Íslandshraðlestin ætti að hefja beint flug á Brussel.

Athugasemdir

[Sveinn Valdimar Ólafsson, 10.5.2007 kl. 01:26]

Icelandair er í dag eina nafnið sem er notað.  Restina af Flugleiðanafninu er að finna í FL-Group.
Íslandshraðlestin - sko sem starfsmanni flugsins er það á hreinu að best er að halda flugvélum og lestum aðskildum í orðanotkun, það er svona meginregla sem má ekki brjóta, ok. 
Legg til: Íslandshraðflug

kveðja

Sveinn